عرض علي.. مثل الغزال الشارد
مستعجلٍ حتى النظر ما لده
ناديته وخواطري توارد
ثم التفت.. وده ولا هو وده
قلت: السلام.. وصد عني ما رد
كنه يشوف الناس ماهم قده
ابعد على اهل الارض من عطارد
تقصر يدين طايله عن حده
وصفه على وصف الغواني مارد
ويش اترك من الوصف والا اعده
رسم.. وشم.. والخشم.. سيفٍ وارد
يعرض بخده ويترنح قده
وان هب ذعذاع النسيم البارد
تمايل ومال الجديل ورده
لو كان ماني للمقفي طارد
الشاعر المسكين .. بيح سده
