Al-jazirah daily newspaper

ارسل ملاحظاتك حول موقعناFriday 06/09/2013 Issue 14953 14953 الجمعة 30 شوال 1434 العدد

الأخيرة

متابعة

دوليات

الرياضية

الأقتصادية

محليات

الأولى

الرئيسية

مدارات شعبية

لاتكتم بصدرك

رجوع

ان كان يالهاجوس داعبك الاحساس

من صادق الاحساس اياك تابه

لا تكتم بصدرك محابيس الانفاس

اترك شعور الوسوسه والكآبه

خذ راحتك مانيب من يشغل الناس

حريتك ما ظن فيها طلابه

لو انها عزله من الناس لاباس

معك اتسلى بالشعر والكتابه

ما عاد لي في مجلس الهرج مجلاس

ما دام كلٍ للبشر حد نابه

مجلس جمع ما بين حاسد وبلاس

ما طاب لي لو فيه ربع وقرابه

يا كم نصحناهم من الراس لراس

لكن صدق النصح محدٍ درابه

حتى ووجه الارض يشكي من الفاس

والقبر قدم العين يحفر ترابه

ما ياخذون من العبر درس وقياس

ما يعلمون ان النهايه تشابه

ملوك عقب العز في الحد يباس

عقب المعزه يفتقد للمهابه

تحت التراب وما على القبر حراس

وفي الاخرة كلٍ بيلقى حسابه

احدٍ لدار الاخرة جود الساس

واحدٍ على اللذات قضى شبابه

هيه كذا ويشوفها كل عساس

المدرك اللي طابع الناس شابه

اقولها من بعد ما سيطر الياس

كم من سؤالاً ما لقاله اجابه


- سعد الشقحاء

رجوع

حفظ

للاتصال بناالأرشيفالإشتراكاتالإعلاناتمؤسسة الجزيرة