سهيل بان وجاك وقت البرادي

والصيف راح وصار بالجو تغيير

نبغى على متن الجيوب الجدادي

قطع الفيافي في بعيد المشاوير

مع خوة ارجال لهم بالفؤادي

حشمة وقيمة واحترام وتقدير

ماهيب خوة كاسبين الدوادي

اللي بعرض الناس مثل المناشير

اهل الردى مامن وراهم سدادي

ولا عليهم يسند العلم ويسير

واهل الوفاء هم غايتي والمرادي

معهم نسج الرجل في صبح وعصير

وسوالف مامثلها بالوكادي

يطرب لها الخافق ويسلا عن الغير

والنار موقدها عليها ينادي

من طيب راسة صدر العلم تصدير

وسط الفياض اللي لها الشوق زادي

مع النشامى والدلال المباهير

رحلة غلاها عندنا غير عادي

مع سجة تسوى الذهب والدنانير