ما كل شيءٍ يجرح القلب ينقال

ولا فيه قلب لكلمة الظلم طايق

والكلمة اللي كدّرت فرحة البال

صارت بوجه أفراح الأيام عايق

هزّت خفوقٍ لك حناياه مدهال

وروحٍ بها ودّك على الكل فايق

يا من غلاك أغلى من الحال والمال

وأعز عندي من جميع الخلايق

إن غبت غابت فرحتي والشقاء طال

بقيت أعد الثانية.. و.. الدقايق

وان جيت جات بجيتّك كل الآمال

وارتاح قلبٍ به فضا الكون ضايق

هذي حقيقة واقعٍ ما به جدال

ولا يثبت الموقف بليا حقايق

أخذ الخبر من رأس ما هو بمرسال

والله كريم وفي يديه الحقايق