كرام السجايا من هل البر والاحسان
تهل الحروف بمدحهم من سحايبها
وانا سال حرفي بأعذب الشعر والاوزان
وصغت القوافي حبر الاحساس كاتبها
عساها تليق بقادة العرب والاوطان
اسودٍ ترد اهل الوغى عن مشاربها
عيال الكريم اللي ملك درة البلدان
تحدى الصعاب وسلمت له مناكبها
لفانا بشرع الله ودستوره القران
معه راية التوحيد بالحق ناصبها
نهض بالديار وجدد العلم والأديان
بديره تخطفها الجهل من جوانبها
على رمل نجد العز جاء يعدل الميزان
ونقى العقيده من تراكم شوايبها
صنع للسعودي عز باقي مدى الازمان
حفظه الشباب وعزز الحفظ شايبها
وحول قبايلنا ربوع وهل وإخوان
ووحد على حسن النوايها مطالبها
وسارت ركايب عزه من الازل للان
تشد العزوم ولا تثنت ركايبها
وخلف ملوكٍ قادوا الجيش بالميدان
نفوسٍ سمت ما غيرتها مناصبها
وجاء عهد راع الطيب عبدالله الانسان
وفلت لها اقلوب الخلايق ذوايبها
مليكٍ اريبٍ شامخٍ راسخ الإيمان
فعوله تعيد لجيلنا ذكر غايبها
حكمها بروح العدل لين استقر الشان
حبيب القلوب وشمس غطت كواكبها
عضيده سلسل المجد عز الوطن سلمان
بلاده تعده واحده من عجايبها
اللي من ذكرته وجه شعري بدى يزدان
وحلو القصايد تنتخي بي وارتبها
وأغني له المدح النقي بجمل الألحان
لحون على الطاروق يسمو له اعذبها
وانقي حروف اتليق واستنطق القبفان
ودني قطوف الصدق واقطف اطايبها
سألتك تثيبه جنت الخلد يارحمان
نهارٍ بدارك كل نفسٍ تحاسبها
الشاعرة: البارعة
