جرح المشاريه

بين العتاب وبين جرح المشاريه

قصة حروف ما لقت له اجابه

تسأل عن اللي صار واللي مضى فيه

بذاك الزمان وغربته والكآبة

تسأل وذاك الصمت زاد ببلاويه

وينه كذا بالحال طوّل غيابه

لي صاحب يا قلب أرجي تلاقيه

والبعد طال وما لمحنا سرابه

اسأل ولكن في قساه وتجافيه

غاب وغيابه آه ما أكبر غيابه

مدري ظروف الوقت وألا تغليه

والا الفراق اليوم نوّخ ركابه

الحال يشكي والألم في معانيه

وجروح هم البعد يلمع شهابه

كم لي أنادي ليست يسمع مناديه

وين الوفاء وحروف ذيك الكتابة

وين الصداقة وين ساحل موانيه

ويا للأسف هالجرح قلبي زهابه

غاب وتركني للأسف وين أراضيه

وما يدري أنه من حكاله حكابه

هذا عتابي في حروف المشاريه

عندي ولكن ما لقيت الأجاب

- فهيد البقعاوي