تويتات شعبية

ول وليت يالقلب المولع

عذب العين من سبة ذهابه

عادته يم الأقصين يتقلع

وطب الأدنين مايبري صوابه

- دبيان بن عساف

**

الهجس بالخفاق شرق وغرب

اسرح مع الهاجس وانافي محلي

والهم يم القلب قام بتسرب

وان كان عم وزاد واكبر غلي

- أحمد بن حمود النافع

**

بعد عن اللي يلحقون المشاهيب

واقرب من اهل الطيب واصحاب الالباب

اهل المعرفة والحكم والتجاريب

كم حكمةٍ تفتح لها للسعد باب

- صالح بن عبدالرحمن الناصر

**

كانك .. تبي مني معزة وتقدير

ذاك الطريق الملتوي لاتمره

انا رفعتك فوق عن كل تقصير

واللي يدور نفعتك لاتضره

- عويد المطرفي

**

لو كل منهو تولجني تولجته

ضيعت بالناس من وقتي وحسْناتي

اشوم عن بعضهم لو زاد لجلجته

ماهو من الخوف لكن حشمه لذاتي

- عيدة الجهني