شاعر وأكثر من صورة

مجاملة

أنا لي ثمان سنين اجامل وانا مجروح

أكن المودة داخل الصدر واكتمها

سبايب مودة جادلٍ ما بها مصلوح

تبهذلت منها ما به احد يعلمها

**

صورة

ان نطحه الهوا ضامره منجوش

وان قفاه الهوا شايفه ماعاش

وان ضحك بالرهايف يابو علوش

مت واعمري اللي خذاه بلاش

**

شفّ

انا رغبتي وهوايتي شيّ يا مخلوق

هوى البر في غرب الديار ومشارقها

ليا جيت روضٍ فيه مختلفٍ الزملوق

نبانيب نبته ناعم الريح يطرقها

**

شعاع

الزين فيك احلا الوصايف مدله

مالك بغضات الصبايا تهايا

شمس على روس النوازي مطلة

شعاعها يرسل سهوم المنايا

- محمد الخس