بصمة ناعمة

ظروف وأسى وهموم يالله تفرجها

على اللي تحمل من هموم الزمان افواج

عسى من طواها الهم يالله تخارجها

وتفرج لعين ٍ دمعها مثل ما هداج

أقاسى صعيبات الامور وعوايجها

ولا قول كود الصبر باللي به الافراج

اهادي هموم ٍ بالضماير وادارجها

على الهون لين انه يجي للعنا مخراج

يجي فارس الخيل الاصايل ويسرجها

يرد الاسير اللي خذاه الزمان وماج

وتعود الامور الى طبيعة مناهجها

ويعود الغريب لموطنه عقب زود اخلاج

وتشوف السقيمة من مجيه يعالجها

عقب غيبةٍ طالت وطول بها المعراج

ترد لطبيعتها ويبدا تغنجها

هنوف الجمال اللي تواصيفها مغناج

وتربع صحاريها ويبدا توهجها

ويشع بظلام الليل نور الزمان سراج

- جوزا بنت نجد