الغيمه

قْلّل عتابك يا كثير النور

مضْناك ما يقوى على عتابك

واللِّي نظم بشافهك البلّور

والهمني القمرا من خضابك

واستخلصك من خايعٍ ممطور

واستامن الغيمه على أهدابك

ما يشبهونك يا شبيه الحور

وش جابهم يّمِّك ووش جابك

ما للقصايد في حضورك دور

وما للِّيالي طعم بغيابك

الشعر.. والله شعرك المنثور

والورد.. والله ورد عِنِّابك

كان الهوى زلّه فأنا معذور

كَثِّر من الزلاَّت بأسبابك

وإن كان ما غير القصيد قصور

الشعر والشاعر.. على حسابك

- الشاعر/ مساعد الرشيدي