تناقله الرواة

كل ما تلمح عيوني من الشي الجميل

جاك بيت الشعر يجري وجاب اللي وراه

واللحن ماهمني لا قصير ولا طويل

المهم ان الهدف واضح للي رماه

إنسياب الشعر صافي تقول السلسبيل

واعذب الابيات بيت تناقله الرواة

وكل شي زين عند العرب وزنه ثقيل

والردي خفيف وزنه على كل اتجاه

والقليل الزين حتى ولو انه قليل

تقتنع به عن كثير تعافه من غثاه

استمع والفرق فرق الكريم عن البخيل

نعم باهل الجود والا الردى حقه رداه

أو مثل ماقال فرق الشجاع عن الذليل

يقدم المقدام واللاش مقطوع رجاه

الشجاع ليا نخيته يسو المستحيل

باع دون الدين والعرض والمال الحياه

جبت لك كل الحقايق وبينت الدليل

واعترافٍ بالفضيله مثل طوق النجاه

ومثل ماقال المثل نيها قبل المسيل

ولا يدوم الحال والزين مايكمل حلاه

- تراحيب بن سويلم العتيبي