شاعر وأكثر من صورة

حالة

كل جرح ٍ يطيب بخاطري ما عدا

جرحي العام في بعدك وليلة جفاك

كنت أشوفك واحس ان الفراق ابتدى

يومها الشوق جابك والموادع خذاك

**

اعتراف

كاني اخطيت يوم اني تبسمت

يكفي الحب كلمات اعترافه

وكان عيّا الكلام ولا تكلمت

أبتسملي ومن باب اللطافه

**

نهاية

ودي اروح .. عجّل لا يطول الكلام

هو بقى من عيونك شي ما قالته

صاحبك يوم هزيته بجرح الغرام

وده يطيح لكن عزته شالته

**

حلم

يمكن كبرت أو نسيت العام مطلوبي

يمكن تغافلني الحلم وتعداني

والدمعة اللي تروح وتلتفت صوبي

تركتها فالضلوع وصرت وحداني

- جابر البطحي