حنّا حرس وجْنود عبدالله

يا سعود حنّا حرس وجْنود عبدالله

ولهْ الولا والوفا فالسلم والهيّه

والشعب واحد على العادات والملّه

والشرع والعدل دستور السعوديه

والحاسد اللي نوى بالشر نفطن له

ما يدخل صفوفنا وصْفوفنا حيّه

وقلوبنا واعيه وسيوفنا سلّه

في وجه حسادنا ناقف فداويه

واخلاصنا للوطن بالعلم درعٍ له

والجهل ولاّ مراح امْقيط ورْشيه

واللي طمع ديننا ماهوب واصل له

من دونه اسودنا والدار محميه

نعمي عيون العدا ونداوي العلّه

واحلامهم مع هبوب الريح وهميه

ويالله تحفظ بلدنا والوطن كله

وتْديم الانعام بالشكر العلانيه

- الشاعر/ حشر بن عبدالمحسن بن حميد