Wednesday 29/01/2014 Issue 15098 الاربعاء 28 ربيع الأول 1435 العدد

عرائس الطيف

يا ساري الليل لا تسري على شاني

ريح ضميرك ورجلك لا تعنيها

انا ادري انك بكل احساس ترعاني

لكن أمورٍ بنفسي ماقدر ابديها

لاصار غدر السنين اشكال والواني

غصباً تموت القلوب ودمها فيها

وانا زماني سرى والنوم ماجاني

والنفس دايم تحن لذكر ماضيها

ماضٍ ذكرته وعنه الوقت نحاني

لكن وش أقول والحكمة لواليها

مادام ذاك الزمان أقفا وخلاني

صبرت والنفس ماضيها يكفيها

أسوق قلبٍ صوابه هز وجداني

عرايس الطيف ما يرتاح راعيها

خايف يجدد عناي الموقف الثاني

والصبح أبي ليلتي ماعاد الاقيها

ترجع كما ليلةٍ في ذيك الأزماني

اصبح عليها الصباح وغاب طاريها

ياساري الليل ليلك حرك أشجاني

ذكرتني حاجةٍ ما ني بناسيها

لا قلت باصد وأدله بعض الأحياني

راحت وعادت بها الذكرى تمشيها

خوافي الروح تامرني وتنهاني

أيام تقوى علي وأيام أقاويها

يثيرها الهاجس الي جدد أحزاني

مشاعرٍ تستجيب لمن يناديها

ريح الندى من لذيذ النوم صحاني

يعانق النفس ويرد الأمل فيها

- سالم بن حمدان المحيريق