اشيل همي

هذي ثلاث سنين والنوح ورقه

يسجع لحونه فالمسا والبواكير

وهذي ثلاث سنين مالاح برقه

ولا لقيت لغيبته أي تفسير

اللي خطف بالي وله طاب سرقه

له فالحشا صدق ومحبة وتقدير

وفرقه عن الباقين ياكبر فرقه

ما هو دلال وزين فرقه بعد غير

كنه صباح الكون وعطور شرقه

كنه مطر وغيوم غر ومزابير

ونار الوله زادت على القلب حرقه

وأنا أتصبر واختلق أي تبرير

واشيل همي واتغنى بطرقه

عل السنين المقفيه تقبل بخير

- خالد بن سالم التوم