Monday 12/05/2014 Issue 15201 الأثنين 13 رجب 1435 العدد

ثنيان راع الطيب وبالجود جادي

قصيدة بمناسبة الحفل المقام في مزرعة الشيخ ثنيان بن فهد الثنيان بالعمارية وبحضور معالي وزير التجارة الدكتور توفيق الربيعة ورئيس الغرف التجارية عبدالرحمن الزامل ورجال الأعمال.

على ضفاف طويق وأطراف وادي

وادي حنيفة مرحباً عد ما سال

وإعداد ما هبت هبوب البرادي

ترحيبة تهدى على رجال الأعمال

وسط النخيل الباسقات السنادي

العود الأزرق فالكم وأطيب الفال

وفي ذكرى البيعة وعهد الرشادي

عهد المليك اللي على الشعب جزال

ذكرى عظيمة طال عمر القيادي

عبدالله اللي شال هم الوطن شال

زعيمنا اللي ساد بالخير سادي

ساد العرب صقر العروبة بالأفعال

يا خادم البيتين حنا الزنادي

شعبك على يمناك في كل الأحوال

حنا عما عين العدا والمعادي

الصف واحد ما تفرق ولا مال

وسلمان سلمان السعد والريادي

ولي عهدك السند ضد الأهوال

سلمان فيه الخير واضح وبادي

سلمان له قدراً كبيراً ومنزال

ومقرن فيه الخير وأيضاً سدادي

ولي ولي العهد للجود مدهال

وفي عالمن فيه الفتن والنكادي

القتل والتشريد والجوع منهال

حنا بخير وامننا في ازديادي

وصار اقتصاد المملكة عال في عال

أفضل بلد في الكون والله بلادي

كلاً من بلاد الحرم صار مهتال

وكلاً يبا ما له ينما وكادي

في المملكة اللي من الخير تكتال

ويا لله يا معبود يا خير هادي

تحفظ بلدنا وآل السعود الأبطال

واختامها بالطيب عنبر وكادي

بإسم الكريم اللي على الطيب كمال

ثنيان راع الطيب وبالجود جادي

يا مرحباً وأهلين يا رجال الأعمال

- الشاعر/ فيصل بن ناصر الذيابي