Monday 12/05/2014 Issue 15201 الأثنين 13 رجب 1435 العدد

شمس

شمس لو طال ليل البارحة شارقه

الموت ما بين ما تغرب وبين الشروق

والمزنه اللي قبل ترعد وهي بارقه

يا كثر ماها وعيّت لا تبلّ العروق

والفرحه اللّي حسب قول المثل فارقه

تروق للبعض لكن خاطري ما يروق

أحيان كن الفرح لا من حصل سارقه

وأحيان ما عاد تفرق لو تزيد الفروق

والكلمه اللي تجاهلها وهي حارقه

أكبر من الشرح والمعنى وكل الطروق

يا طارق الباب خلّ الباب يا طارقه

إن كان تحسب حساب النار قبل الحروق

والحب نار العذاب وطلقته خارقه

يسرق كيان العباد ولا يُسمَّى سروق

واللي جهل به يقول لمن شكى فارقه

يزيد همّه وهو من كل صوب محروق

- الشاعر/ دحيم النومسي