روحين

يوم ان كلٍ يسهر الليل ما نام

يشكي ويتذكَّر قساوة وليفه

يعيش ما بين التوجّد والاحلام

ويوجس من الهجران همٍ وخيفه

انا سهرته مع عذابي والآلام

واشباح تطرد كل ذكرى لطيفه

عشته معَ روحين يشكون الاسقام

نتقاسم اوجاع الزمن بالنصيفه

نسابق الفرحه وتختل الاقدام

ونطيح في وديان حزنٍ مخيفه

ارواحنا جاعت والعروق صيّام

ونفوسنا عن كل شكوا عفيفه

راضين بالواقع رغم جور الاحكام

ورغم الهموم اللي علينا كليفه

نؤمن بان الحزن لو طال ما دام

وان الفرح لابد ياتي رديفه

مع العسر يسرين لو طالت ايام

قسوة زماني واعلن الوقت زيفه

هذا قدرنا خطّته سود الأقلام

وايامنا للضيم صارت مضيفه

- الشاعرة/ البارعة