روس المراقيب

أنا على روس المراقيب عدّيت

يومٍ غيري تحتها ما وصلّي

أشوم عن درب الردا ما تردّيت

يومٍ غيري فالردى مستقلِّي

رفيقي الطّيب وأقول اله حييت

إقلط هلا يا مرحبا في محلِّي

امّا الردي لو هو من المال له صيت

هذاك عن بيتي وقربي يولِّي

يبو سعود الناس فيها حتاحيت

لازم نسقّطها مظلي مظلّي

اكرّمه ويقول يا فلان عييت

طبع الردى يردى ولا يستقلّى

لا يعتذر ماني لعذره تحرّيت

بعض المواقف عذرها موجعٍ لي

لو قلت لي جازه ردى عنه صدّيت

ما أقدر أجازي بالردى لو حصل لي

وجيه أقدّرها على شان أهل بيت

ووجيه ماهي كفو قدر وتغلِّي

أنا محمد مرجعي وأصلي ثبيت

أبوي رباني أهين المغلّي

أستغفر الله وأطلبه كل ما اخطيت

وأدعيه وأبكيله وأكبِّر وأصلِّي

- الشاعر/ محمد بن عمير