يا قلب لا تغتاظ !!

الوقت لا سلّط عليك وتحدا

مالك وزر عن حكم رب البريه

تسوقنا حاجاتنا وانتصدا

لمنغصات العيش صبح وعشيه

لا دمعة هلت ولا جرح ندا

نفسٍ من الله يا محمد رضيه

والهاجس اللي جاب وان جاب ودا

ودا وانا مالي على الضيق نيه

يا قلب لا تغتاظ وانت المبدا

وأكثر قلوب الناس ماهي نقيه

أصد عن زلاتهم واتقدا

لهم مطاياهم وانا لي مطيه

ياليت بعض الناس قبل امس هدا

مير الردي مايجلب الا الرديه

يا قلب لا جت للردى لا تردى

وقلوبهم ياقلب ماهي خليه

عديتها لو انها ماتعدا

ورديتها للطيب لو هي قويه

الشاعر/ عبدالله الدواس - رياض الخبراء