حميد المساعي

البارحة يوم الأوادم خواشيع

في نومها وانا على الكوع واعي

هم ٍ يمزع سترة القلب تمزيع

تقول ينهش ثومة القلب افاعي

خذت القلم من بين روس الاصابيع

وحبيت اميز سيرتي وانطباعي

عزّلت من صدقان عطلة لاسابيع

وعزلت من ضحك الوجيه الصناعي

وعزلت من بنينٍ بامالي مشاريع

جميد برد ولا آنس الشمس ماعي

وعزلت من زرع الخليّ البلاقيع

وعزلت من رفع الثنية رباعي

من نفعة اللي ماطلبني منافيع

جميلةٍ في غير اهلها ضياعي

في اسواقها ماعاد لا اشري ولا ابيع

لا اخطيت من رفقة طويل الذراعي

اللي على الرفقة يسوقه دوافيع

هذاك تشرى رفقته ماتباعي

امايشجعني على الطيب تشجيع

والايعلمني حميد المساعي

والا ليامنه رمعني رواميع

وضاقت على كل الفجوج الوساعي

جيته ويسرلي عسير المواضيع

وخلا خفايا خاطري له وساعي

معرفته ماهي معرفة طماميع

ماتنتج الاالغطرسة والضياعي

- سعد بن جدلان