يوم الوطن ذكرى وتوحيد

يوم الوطن ذكرى وتوحيد وأبطال

وسيرة تجاوز كل مفهوم سيرة

وتذكير بالماضي من أمجاد وأفعال

وتاريخ ما يحتاج تاريخ غيره

لو حال دونه وقت موجود ما حال

يدير تفكيري وفكري يديره

وينساق له معناي في روس الأمثال

وجزل القصيد اللِّي ينومس يثيره

ماهو مجرد يوم وهلاله هلال

يحتاج له جهد وخيال وذخيره

من كبر قدره بين الأيام يختال

ويقول أنا توحيد شبه الجزيره

ويحق له يومٍ ولو زال ما زال

ويبقى حديث المجد في كل ديره

والمملكة من دونها سلاح ورجال

وخيراتها من فضل ربي كثيره

في كل يوم وفالها طيِّب الفال

دولة عدل دولة تسامح وجيره

إلاَّ إليا من العدو بالخطأ مال

ووسوس له الشيطان يشعب بعيره

نرسل عليه من الزلازيل زلزال

ويلعن مصيبه ثم يلعن شويره

تذكير والتذكير في كل الأحوال

رادع وخيرٍ للعقول المنيره

- الشاعر: دحيم النومسي