شاعر وأكثر من صورة

دعاء

يارب اليا نشب حظي بمخراجه ومدخاله

عساك تعوضني عفوك وميراد على الجنة

انا عبدك ولاغيرك يظل المسلم ظلاله

الى حميت لواهيب السموم وفاحت الكنة

* * *

مقاسيم

قسمنا البيضا على روس الطويل من الجبالا

وروسنا ماغير خلاقٍ خلقنا تنحني له

يالله انك لاتخليني على درب الظلالا

مايغفر الا انت والتوبة لراعيها فضيلة

* * *

تحايا

يامن يسلم لي على لين العود

كانه على كسر المهابه تجرا

يخفض جناحه لي من الود ويعود

ماني على هجر الحبايب مضرا

* * *

عيون

عين محاجرها ورى البرقع وساع

ما تروي الناظر لو انه شربها

والعاشق اللي عاكست معه الأوضاع

ما عنده الا مهجة قد وهبها

- شايع العيافي