شاعر وأكثر من صورة

خوة

أستر على زلة خويّي اذا زلّ

عند العرب مهما حصل ذا خويّي

وان جاتني زلة ردا ما لها حلّ

اسكت وعن رد الردية معيّي

* * *

شعراء

اعرف الشعّار هذا صديق وذا زميل

والشعر مهما بلغ ما رفع لاحدٍ قدر

شاعرٍ وجهه سَفر بسّ له شعرٍ هزيل

وشاعرٍ شعره جزل بسّ له وجهٍ ودر

* * *

شوق

وصلتها والمشاعر بردها زمهرير

تقول قل وش جرى واقول وش ما جرى

اشتقت لك يالفقيرة نور عين الفقير

لو مات من يد عنود الصيد ليث الشرى

* * *

عذل

أنت الحبيب وفيك ما اوحيت العذول

قلوبنا مهما افترقنا صافية

ان قلت: يا صعب التلاقي وش بقول

أهم شيّ انك بخير وعافية