من الراس للراس

الناس في دنياك غالب ومغلوب

وكل على شفه يوجه ركابه

واللي من افعال الردا فيه شاذوب

هذاك كساب الخنا في شبابه

اختر رفيقٍ بالقسا يقضي النوب

وابعد عن المنزوع قل: لا هلا به

- محمد الأحمد السديري

فيه منهو يحل المعجزات الصعايب

اصغر افعاله الجزلات محدن فعلها

وفيه منهو يعيش وعيشته بالسبايب

كل ماسمعله غلطة من رفيقه نقلها

وفيه منهو على نفسه رضى بالغلايب

الله اللي رفع نفسٍ ونفسٍ خذلها

- أحمد الناصر الشايع

الهرج واجد ما لكثره ملادي

وإن الردى ماله على الطيب مراد

ترى الردا صحراً شجرها كدادي

والطيب روضٍ فيه عشبٍ له اوراد

رجلٍ يساوي عشرةٍ بالعدادي

ورجلٍ خسارة عنده الملح والزاد

- مرشد البذال