تمنيت

تمنيت.. قلبي يوم حبه وهو بعيد

يحبه.. مثل.. حبه لاخيه وولد عمه

ولكن.. قلبي في محبته.. قام يزيد

الين المشاعر.. شرفت به على القمه

بداية غرامي.. يوم شفته نهار العيد

حكاية عيونٍ تمدح الوقت ،، وتذمه

حكاية عيونٍ تاخذ الي تبي وتريد

واذا جيت اباخذ تقصر الحيل والهمه

بها مايهد العزم.. ويطوي عليه القيد

تلاشى الاماني دون شوفه ولا ضمه

محبة شيوخ القوم ماتقبل التمديد

وانا احب شيخٍ من هل الحق والذمه

خفوقي على حبه مثل جرهدي البيد

تهب الهبايب.. ماتزعزعه //. وتخمه

الا.. يا عذابي من زمانٍ علي يعيد

مشاعر غرامٍ.. في حناياي.. ملتمه

- ألمانية