مرفت بخاري

للشاعرة والروائية والكاتبة مرفت بخاري أسلوبها الخاص الذي يميز قصيدتها:

ما سألني عن غلاته ولا سألته عن غلاي

كذبةٍ حنا عجزنا في الغلا نكتب حروف

المصيبة لو أعاتب جرحه الساكن سماي

كان قلبي من دموعه بلل بدمعة الكفوف

البحر من همي يشكي يا بحر أبقى معاي

هذا خلي من عرفته عن هوى حبي عزوف

لو انا قررت ابعد كيف اعيش بلا هناي

هو هنى عمري وعيني بعد عينه ما تشوف

يا غلاه اللي جرحني اعزفه بأشعاري ناي

بالصبا وقافي الحزين تدمع عيون الألوف

لو بلحظة حنّ قلبه واستمع مرة لنداي

اقسِم بحبه حياتي يمتلك يا جوفي جوف

ليت ما صدقت بوحه ليت كذبت انه جاي

ليت ما أهديته روحي ليه أعيشه كلي خوف

يا ودادي فوق بربك انتصر ارحم رجاي

لا تخليني حكاية تنوجع تشكي طيوف

دام صعب اني أعيشه خله يرحل وبرضاي

يمكن استقوى بغيابه واشهر بحبي سيوف