يا الله اللي تنزل الغيث وتسوق الرياح
والليالي عالم فالفلك دوراتها
تحفظ أرض المملكة وتعمرها بالصلاح
بالأمان أتعزها وتحفظ قاداتها
مهبط الوحي المنزل شعارات الفلاح
القداسة بأرضها والشرف في ذاتها
خدها مهد الرسالة طهور ما استباح
استظلت بالهدى في ظلال أحماتها
دينها الاسلام رمز العدالة والسماح
ما استدانت ملة الشرك ودياناتها
شامخة بالعز ما هي على خف وجناح
التقدم قدمها والسعد ما فاتها
مر قرن من الزمن في تطور وارتياح
إيعمرها حيها وشهداها أمواتها
حبها نلبس له التاج والبسنا الوشاح
بالقلوب احساسنا يشعر احساساتها
في هواها الطلق طيب وسعادة وانشراح
وفي ثراها العشب والظل في غاباتها
والذهب في بطنها مختزن والماء القراح
وسايل البترول موجود في غباتها
حاضر مشرق ومستقبل كله رباح
بحكم وال الأمر وآل السعود ولاتها
في قيادة خادم البيت كساب المداح
الفهد عز العرب مدرك غاياتها
قايد بارع وعزام ولسانه فصاح
يحسب حساب المصايب قبل وقعاتها
وأبو متعب راعي الطيب والراي الرجاح
سيدي فيه القصيدة تليق ابياتها
له يدين معطيه ما له أيدين شحاح
فيه نخوات العرب ويعرف نخواتها
للحرس ريس وللمعتدي سم ذحاح
والحرس يستوعب الحرب ومهماتها
الحرس رمز الفدا والشجاعة والكفاح
دون عرضه وأرضه اللي يصد أعداتها
في نهار فيه كوم الجثث والدم ساح
كل الأهداف متمرس على ضرباتها
محتمين المملكة بالرجال وبالسلاح
عشت يا سلطان يا درعها قواتها
نشكر الله عدل وأمان وقلوب صحاح
نعمه تزيد ما لذ من لذاتها
في رخا من العيش عشنا ونور العلم ازاح
الجهل والتفرقة والفتن وآفاتها
قبل توحيد الجزيرة جرايم وافتضاح
القوي يبطش ضعوف على غفلاتها
والتناحر فالقبايل سبب نزف الجراح
جاهلية والعرب في خطر نكباتها
ما خذوا عنها من الدين والطاعة لقاح
والمناعة فالجسد ضد مكروباتها
فوضوية طافح كيلها والشر فاح
الأوادم للصنم نزلت هاماتها
والتبرك بالحجر والمقابر والنياح
والأنام آثار منحطة عاداتها
والجزيرة ضايعة لين برق العز لاح
يوم جاء عبد العزيز ورفع راياتها
قام ينظمها بسيفه مثل نظم السباح
وحد الشمل المشتت ولم اشتاتها
اخضعتله طايعه بالسيوف وبالرماح
جاتها ساعة فرج بعد ضاعت جاتها
اكتسحها بالشجاعة وبالعزم اكتساح
مسرح الحرب الجزيرة ومشتقاتها
بالسيوف الحدب راحب معارك واجتياح
ملحمة والمعتدي ذاق من ويلاتها
من صباح في هجاد وهجاد في صباح
المنايا الضارية يعترض صكاتها
البطل قال اتحاد قوي والظلم راح
العدالة شرعنا والسور وآياتها
للسعوديين حقق نجاح أكبر نجاح
وحد اكيان الجزيرة وحل ازماتها
