ماتناسي المسافة صاحبي والظروف

شد عزمه وشد الخيل رغم الجروح

اضحكتني خيوله جمّعتها حروف

وحيرتني عزومه ماتحمل يبوح

شفت منه الجنون وشفت سيف السيوف

كان فارس طويل وكان سيفه يلوح

ضربته فوق راس الخصم تعنى حتوف

كان يفتح بلادٍ ماوطتها فتوح

الشهادة لربي والمكذب يشوف

كل خطوه خطاها السيف دمٍ سفوح

كان جيشه عجيب ايدي بليا كتوف

وكان جيشه مطيع اليا دعاهم لحوح

كان يصبر ولايأكل وشربه رشوف

والضحايا خصومه دوم تحته طروح

كانت الحرب جباره ابد,, يا حسوف

والمذابيح والجرحى ابد,, هم صحوح

كانت اول شراره قلب مُرهف عطوف

وكانت اخر شظيه دوم لعز روح