إيه ياسلطان مبروك في فوز الطويل
الحصان اللي نهار اللزز للكأس نال
كاس من يمناه مامدها مدٍ هزيل
خادم البيتين عن واهج القل الظلال
ما رضا في غير كاس الملك غيره بديل
ولاترك لمنافسينه على الأول مجال
الأصيل اللي مجانيه من صلب الأصيل
الطويل اللي يحب المسافات الطوال
انطلق والكاس يوم انتهى الشوط الحصيل
وحلم أبو نايف تحقق بلاشك وجدال
بالحوافر يطعن الريح وفعوله تهيل
عاذه الله من هل الحسد عشاق الخمال
بالوصايف فارقٍ ما بعد جاله مثيل
عن وصايف جملة الخيل في وصفه لحال
نادر في ساحة الخيل وأمثاله قليل
انتصاراته تبرهن على صدق المقال
أشقرٍ يشبه سنأ النار لاشبت بليل
لاشمها طيبٍ جاذبه عمٍ وخال
مثل ابو نايف زبون المراجل والجميل
لابسٍ ثوب الجمايل مثل لبس العقال
طيبٍ يعشق من الطيبات المستحيل
باللوازم يبذل الجاه ويسوق الريال
واصلٍ خيره بعيد الخلايق والزميل
وافيٍ عذروبه إن قلت حبه للجزال
يفعل المعروف يرجي جزاه من الجليل
الإله الواحد اللي تفرد بالكمال
دمت ياسلطان واقبل تحيات الشهيل
والختام أرجي للك الطيبة في كل حال
