يا الله يا الله يامنشي مخايلها
أنت العزيز الكريم القادر الوالي
أطلبك مزن يهل الغيث وأبلها
وأبله حقوق يهل ونوه جثالي
يضفي على المملكة بالغيث يشملها
يسقي ديار العروبه دار الأبطالي
المملكة دولتي كلاً يقر ألها
في ظل حكامها ماضين الأفعالي
الله يغيث البلد ويديم عاهلها
يرجع لها واحدً مداته جزالي
يملا الملازم ووديانه يسيلها
وتخضر الأرض العذبة عقب المحالي
تشوف نوار عشبه في مسايلها
شوفه وريحه يعيش القلب والحالي
ترعابه اللي عقيد القوم لد ألها
وضحً تلد النظر وتشوق البالي
ماتتبع الإبل تقود الإبل من أولها
دايم هي الأولها والمشي جهجا لي
بالزين ربي مجملها وكملها
ما طبت السوق دايم سعرها غالي
ترعا الوسامي وراعيها مدللها
يرعابه كل قفرٍ زايفً خالي
هذي ومثله عسى عمره يطاولها
من شانه مايحسب نقص الأموالي
والإبل على غيرها ربي مفضلها
مخلوقةً قبل تخلق الأرض وجبالي
والإبل على أنواعها ربي مجملها
ربي خلقها وفردها بالأشكالي
إليا جيتها النفس تنساعن مشاكلها
في قربها القلب يصبح دال سالي
ما للوم من حبها واللي يود ألها
واللي بها ماتسمع قول عذالي
محبة الإبل صميم القلب شايلها
وإليا الأبد قدرها عند العرب عالي
يجعل يسلم لها للي مايزعلها
يشري رضاها بما يملك وماطالي
الله برجعه وخيراته يمدلها
يسقي ديارً لها مشها ومدهالي
حتى إن كلاً مطاليبه يحصلها
وكلاً على رغبته راحل ونزالي
وختامها المسك والعنبر يزاد ألها
من قلب صافي يعبرها بالأمثالي
تعبير وحساس تشرحها مثايلها
وإرجو من الله تحقق كل الأمالي
