جعل يوم فيه للحب ذكرى ما يعود
ولا يعود الموقف اللي عرفت الحب فيه
ذكريات مؤلمة كنها لطم الخدود
أتجرع مرها واعتري واقول ليه
وش معي والصبر بعد السحاب عن الحدود
والامل مقتول بالعمد بين امه وابيه
انقتل بالعمد ثم اندفن بين اللحود
يرحمه ربي ويجبر مصيبة والديه
الحزن للام والاب وافرح يا حسود
يستحق اللي سمحلك بغدرك تشتريه
انت ياللي في عنادك وفي هجرك تزود
الفراق اللي نويته يعين الله عليه
لا تحسب ان الغلاء كل شيئاً فالوجود
التغلي ما يحقق طموحاتك ياهيه
حسبك الله كيف تطلب على حبي شهود
وانت متأكد لكن التأكد ما تبيه