صرخة ولكن !! صرخة احساس الانسان
وكل الجهات استاحشت من صداها
تهز روح,, وتخلف اذهان واذهان
حريته,, حريته,, وش وراها؟!
صرخة صداها,, يشتكي بعد الأوطان
ولا حدد الواقع حقيقة عزاها
صرخة اسير من القهر,, شانها شان
لكن تموت بعبرته من بلاها
يا كل عذاب ويشرب انواع الاحزان
من يذكر امه يوم يكتف ضناها
وان صار جسمه للحقودين نيشان
تصرخ له الأرض وشجرها,, معاها
ويكبر وتكبر صرخته ,, ما بعد حان
لعيونه تشوف الحياة,, وفضاها
واطفال يكبر وسطهم كل حرمان
يقرون بعيون البشر,, وش دهاها
اسير,, عنوانه نسى كل عنوان,!!
له صرخة من سمعّها ما نساها