لاتلتمس عذراً يورد مطاياك

للوم وتخيب هقاوي ظنوني

خلك معي غصباً على عداي وعداك

اللي بساعات الجفى يفرحوني

لاهنت ماهانت ولاتهون فرقاك

بعد الموده كان عندك تهوني

نسيت هجرانك على شان ما انساك

ورضيت تعذيبك على كل لوني

لولاك ماغني مع الورق لولاك

ولاحرك بصوته مشاعر شجوني

ليت الخيال اللي نقل طيف ذكراك

ماصار بأخبارك عليه منوني

من كثر ماودي بشوفك ولاماك

القلب لاشفتك يكذب عيوني

ارخصت في سوق الغلا ارضاي لرضاك

لو حالوا الحساد دونك ودوني