حدي عيونك لو تجاوزت الاهداب
حدي تسامى رحلتي في نظرها
ما يستحق العاشق المغرم عتاب
ما دام نفسه في وعودك نذرها
اشوف هالعالم معي صمت واغراب
واشوف نفسي من بقايا سفرها
وقفت يمك يوم الاعذار ترتاب
يومك صفيت بداخلي من كدرها
موعد حضورك تنفتح كل الابواب
ويغار من ليل المحاني قمرها
تعال,, وانظر دمعتي كيف تنساب
على البلاد اللي تزايد دهرها
تعال,, ابيك لناظري مثل الاقراب
خل العذارى,, تحترق من قهرها
يكفيني جروحي ودمعي والاسباب
اللي تسامر لوعتي في سهرها
في روضة احزاني تجرعت الاتعاب
حتى الزهر ما فادني من ثمرها
وين اشتكي ونهايتي بين الاهداب
وين اشتكي وبدايتي في نظرها
الطبعة الاولى