|
| |
بصمة
ضحكة عابرة
|
في مغانٍ تشتهيها القصايد والوله |
ترعد الذكرى وتمطر بنهرٍ من وفا |
رحت ادوّر عن بقاياي: شمس وسنبله |
وبعض طفلٍ كنّه النور بيّن وانطفا |
لاهَمَت بيض الغمايم عطور، اتخيّله |
آه يا فجر النخيل البهيّه والصفا |
طفلٍ ابيض يوم كبْرَت عليه الاسئله |
نوّم الطيبه دقايق وجفنه ما غفا |
غافل الدنيا وحطّ البديل فْ منزله |
ولملم اطراف البياض الحقيقي واختفا |
البديل اللي نهاياته اوّلها: اوّله |
صافح الدنيا ومدّت يديها بالجفا |
كبروا الأطفال حوله وهمّه ثقّله |
يفضحه ثوب الطفل، لالبسْه ولاضفا |
جاهلٍ يستمري العقل، واعقلْه اجهله |
لاجل يرضيهم كبر، وهو طفلٍ بالخفا! |
جا يدوّر شيّ تحت الرماد ويشعله |
وانتشى من ضحكةٍ عابرة فيها احتفا |
هي شماته؟ او بقايا براءه مهمله |
او عبث طفلٍ من الطيش بعْده ما اكتفا! |
مشعل الفوازي
|
|
|
| |
|
