|
| |
تراحيب الوفا
|
قصيدة بمناسبة زيارة خادم الحرمين الشريفين حفظه الله لمنطقة نجران
بدينا بالله المعبود ربي غافر الزلات |
إله يرزق الانسان ويسيره سبحانه |
وبعد ذكر الإله أبدا بقولي وأرسم الابيات |
واعدلها عسى تاتي بيوت الشعر مليانه |
على ارض المنطقة نلقاء ملكنا وابرك الساعات |
ولا نرفع اشعار الا بشرع الله سبحانه |
نيابة عن أمير المنطقة مشعل عريب الذات |
نقدم لك تراحيب الوفا جزله ومليانه |
هلا يا مرحبا يا راعي الطولات والوقفات |
زعيم المملكة كل الدول تخضع لسلطانه |
زعيم المملكة صقر العروبة راعي الجزلات |
عسى عمره طويل وعطر الله قبر شيبانه |
مشاريع تبناها مشاريع تجي باسكات |
يحاول يغني المحتاج لا يحتاج لاخوانه |
يالوان فالعرب خمسه سوات الصيرم البتات |
ماشفنا اللي نشوفه في جميع الكون واركانه |
وعلى يمناه أبو خالد إلى من قيل ود وهات |
إلى من ذكر حاتم فالكرم يرجح بميزانه |
تلقب باسم سلطان الكرم من ماضي الاوقات |
عليّه بالحرام إن الكرم ساسه وعنوانه |
الاياكبر فزعات أبو خالد راعي الفزعات |
إلى من ذكر له محتاج ما يرتاح من شانه |
ولا أنسى فهد فهد العروبه راعي النخوات |
عسى الله يرحمه فهد العرب ياثقل ميزانه |
بلاد عزها الله بالملوك اللي لهم صولات |
يعزون الضعيف ويلطمون الشر فاعيانه |
عيال الفيصلي عبد العزيز موطي النعرات |
حكم شبه الجزيرة بالنظا والخيل وسنانه |
وتبقى يازعيم العُرب أبو متعب راع المدات |
ولد من وحد الدوله بشرع الله وايمانه |
ثقة شعبك على صدرك وسام علقت مرات |
توارثها الطفل عمن كبره وكبرت ازمانه |
طلبت الي حظر يمّن معي في آخر الابيات |
عسى ابو متعب يبقى لنا ذخرا مع اخوانه |
عبد الله بن مبارك بن زامان الدوسري
|
|
|
| |
|
