|
| |
في جنة الفردوس
مسفر بن محمد بن زاهرة الفهادي
|
هذه القصيدة رثاء في صاحب السمو الأمير سعد بن خالد بن محمد آل سعود -رحمه الله-
يا حي يا قيوم يا مجري النود |
يا مرسياً على البسيطة هضابه |
الإنسان له يوم مقدر ومحدود |
وما قدر الوالي لعبده رضابه |
مرحوم يا مير الوفاء عيلم الجود |
عون اليتامى والضعيف التجابه |
سعد ولد خالد له الخير مشهود |
جعله بدار الخلد يلقى ثوابه |
في جنة الفردوس والظل ممدود |
يالله عسى قبر تحت الأرض ملحود |
جعل المزون للي لها برق ورعود |
تمطر على قبره مزون السحابه |
والشاهد الله والخلايق له شهود |
تشهد له القاصين قبل القرابة |
له في سبيل الخير فضل ومجهود |
تسعين نعم في المشيب وشبابه |
هداج تيماء اللي به الطيب معهود |
ما ينحصي طيبه ودمثٍ جنابه |
علم من أعلام الكرم ما له حدود |
الاسرة وكل الشعب تبكي غيابه |
يوم العزاء جات الخلايق له حشود |
الافواج جات معزيه عند بابه |
العلم في الاخبار ثابت وماكود |
وشارع عليشه صار ما يمشابه |
مات الأسد لكنّ من بعده أسود |
عسى العوض راسك يا بوخالد سعود |
حاكم وكل الناس تحسب حسابه |
لك في قلوب الناس حب ومهابه |
لك مجلسٍ عامر وفاتح ومورود |
جعلك بخير ودايم الدوم في زود |
اقبل دعانا يا سريع الاجابة |
الشعر لا جا واجبه صار موجود |
وختامها يا سيدي نفحة العود |
وأعداد من في البيت طاف وسعابه |
|
|
|
| |
|
