|
| |
بصمة
تملكت المشاعر
|
حبيبي كيف اسولف وانت ياكل الرجا معناي |
ليامني بديت السالفه صرت انت تاليها |
سواليفي وتفكيري قصيدي ضحكتي وبكاي |
تملكت المشاعر كلها وامسيت واليها |
حبيبي صدّق انه ما بقى عندي سوى شكواي |
من عيون رمت بعيوني سهوم سطت فيها |
وتعدتها سهومك واستقرت في صميم اقصاي |
وسط هاك الخفوق اللي خفق وارجف يحييها |
هلا بهاك السهوم اللي لفتني من شقر سلواي |
هلا وكل الهلا يا طعنةٍ مازلت اراجيها |
وهلا يا بسمة فيها عزاي وبسمتي وشقاي |
ابيع العمر كله لاجلها برخيص واشريها |
هلا بالغرة اللي من سناها تنتحر بلواي |
وتموت الوجعة اللي من ثمان سنين شاكيها |
تحداني زمان وجابك اللي سمع صوت عواي |
جلبك الله لروح من بلاويها اتداويها |
عشقتك قبل ما شوفك وشفتك وارتشفت دواي |
من عيون بها نور ونار كيف اصاليها |
وصارت من هاك اللحظه شقاي وغربتي ملفاي |
وهلي وربعي وناسي وعزوتي يوم اعتزي فيها |
حبيبي يا بعد عمري القديم وعمري اللي جاي |
تمعن في سواليف تقدمها وتنهيها |
تعرف انك علومي كلها يا مبتدا معناي |
واليا مني بديت السالفه صرت انت تاليها |
باشة العنزي
|
|
|
| |
|
