|
| |
حبال.. وحبال
|
ترى الهجن سترٍ للنشامى وفضّاحه |
ولا كل من ركب النضا جا بالاجهالي |
كم واحدٍ لاركبها قلّت امداحه |
وكم واحدٍ لاركبها يطرب البالي |
شجاعٍ ليا من قربوا القوم فالساحة |
صبورٍ على ماجا ولاهوب عذّالي |
ألا واهنيّك يا اريش العين بالراحة |
وانا في سمومٍ وانت يالعذب بظلالي |
ولا يشتهب للجيش لا قرب مرواحه |
ولا هو يحاتي ميلة الفيّ لا مالي |
ولاخذ قطيعٍ قد شفاياه كلاحه |
ولا هو يحاتي عوجة الروح للتالي |
ولا درهمت به فاطره من ورا الباحة |
ولا ورّدت به مشرعٍ من هله خالي |
وعزّي لمن تقصر حباله عن الشاحة |
ومن كان حبله واردٍ شربه زلالي |
عبيد بن حران المري
|
|
|
| |
|
