|
| |
سيف الهجر
|
يكفي صبر.. اغفر لك الذنب وتزل |
كل ما غفر اخطاءك تجيني بزله |
نزّلت نفسي لك وقلبي تنزّل |
خل المهازل والدلع والتدلل |
حس ف/بعض شوقي ولا أريد كله |
لا تحسب إني طامع فيك منعل |
لا تحدني سيف الهجر يوم اسله |
تراي قادر اقطع الوصل وارحل |
لا صار شوقي غاديٍ عن محله |
وإن جيت متواضع اشوفك تبدل |
وإن صرت لك قاسي تجيني توله |
(يا بنت صوني كبريائي عن الذل |
ترى التواضع بالمحبة مذله) |
والحب لا من صار أخذ وتبادل |
والله ما تلقى أحد قال مله |
وقررت أنا بالحال حرق الجله |
سؤال طبعك عندي اليوم له حل |
وش لي بساسٍ ما يجي منه لي ظل |
رجال أنا ما ارضى على نفسي الذل |
وعيبٍ على شرواي يرضى المذله |
فيصل بن سبيل الباهلي
|
|
|
| |
|
