يا محلا وقت العشاء شبة النار |
في مجلس اخيار الرجال تعني له |
المجلس اللي يجمع الضيف والجار |
ويجمع بعد من كان عابر سبيله |
والدله الصفراء بها بن وبهار |
يفوح فوق الجمر بنه وهيله |
لافاح فيها الهيل وفنجالها دار |
على وجيه الخير واهل الفضيله |
ومن بينهم دارت سواليف واخبار |
والكل ينصت لين دوره يجي له |
هذا يحدثنا باحاديث واذكار |
ويشرح حديث اعن الرسول بدليله |
وهذا لفانا جايب اعلوم الامطار |
جايب خبر عن واديٍ سال سيله |
وهذا بعد يروي لنا قصص واشعار |
يروي مع القصه ابيوتٍ جميله |
زهران عون الله المطيري - بريدة |
|
