هو أحد رموز الشعر.. لكنه يغيب عن النشر طويلاً.. دعاس الرويلي يختار مدارات دائماً لمصافحة جمهور الإبداع في كل مكان.. وفي آخر ما كتبه يقول: |
أنا وإن ضاق بي هالكون لقيت أحلى عيونك كون |
حنانك ما خلقه الله بصدر فلان وفلانه |
أحن من الحنان اللي على أهدابك يعزف لحون |
وأرق من الشعور اللي لقى بك أطيب إنسانه |
عظيمه والعظيم اللي نهبك بنصفه المسكون |
بكل إحساس هالعالم ولا أحد هز ميزانه |
رقيتك ما تمنيتك وصلت وصرت بك مفتون |
وعرفت إنك قدر عمري ولا له دونك الخانه |
حياتي كل مافيني عذاب إحساسي المجنون |
كفرت بكل قلب ما تحرك فيه تحنانه |
أنا عالم وسط عالم مشاويره ألم وغبون |
تموت بحيرته شرهة غصون الطيب ظميانه |
تلمحت الوجوه ولا بقى وجهٍ حفظ له لون |
سواد وكذب وقلوب بدم الحقد مليانه |
نوريك الوفا بعيون ونقرا كذبها بعيون |
حسد كل العيون اللي بدمع الزيف غرقانه |
يموت الحقد في قلب الحسود ولا شكيت طعون |
غزاي إن الجبل صلف الهوى ما حط من شأنه |
تعودت الهموم وكل جرح بالحياه يهون |
يكفيني حنانك غير حنان فلان وفلانه |
دعاس الرويلي |
|
