بين السحاب وفوق ذيك المحيطات |
أداعب حروف القصيد العنيده |
أسج مدري وش تكون البدايات |
والدرب موحش والمسافة بعيده |
سجلت شعري من بعيد المسافات |
للي تحلّت بالصفات الحميده |
واستنّفرت قيفان شعر المهمات |
قامت تجيب من اللحون الفريده |
أمي غلاها ما يجيبنّه أبيات |
مهما كتبت وقلت تبقى الوحيده |
اللي تعنّت فالليالي الشديدات |
ما ظن توفيها حروف القصيده |
هي الفرح في دنيتي والمسرات |
يارب تمهلها سنينٍ مديده |
سمير أحمد الحمدان - أستراليا |
|