الشاعر عبدالعزيز بن عيد من آل عجلان أهل (البره ورغبة) الهذليين هو شاعر مجيد ولكنه مقل واشتهر بجزالة الشعر ورصانته وحسن ديباجته وهذه قصيدة نادرة له يقول: |
قال الهذيلي يم ربي هداني |
عديت في حوران عالي المراقيب |
بديت بذكر الله على كل مثاني |
ربي تسهل لي جميع المطاليب |
وانقاد نسناس الهوى ذعذعاني |
قمت اتقلب فيه واعوي عوا الذيب |
ما همني باغي عطا من انساني |
ولا همني شوف البني الرعابيب |
وخلاف ذا دنوا من الانضا ثماني |
فجع النحور مهدفات العراقيب |
ازوارهن ما يمسحن الثفاني |
عوص النجايب سالمات العذاريب |
ارقابهن مثل الجريد اللياني |
ومثل القروش ارقوم شيب المحاقيب |
ومثل الادامي من بواطن عماني |
دوارب وعيونها كالمشاهيب |
مرباعها الصمان هو الدجاني |
ووادي الرمه اليانشفن المغاريب |
طبن مع المسيوق دار المغاني |
مجمع العربان سوق المزيريب |
ويشرى لهن من كالفات الاواني |
الى ضربنا جوف سوق الجلاليب |
ترحلوا ياراكبين الهجاني |
الغانمين مخضبين المغاليب |
وعصيهم من لين الخيزراني |
وبيض الخواتم في يدين الشواريب |
وسلاحهم من طيب الشيشخاني |
والمارتين معسكرات اللواليب |
قفوا على هجن تذب الامتاني |
مثل السراب وتنهب القاع تنهيب |
ومثل النعام اللي رعى المجاني |
الى طلعت بدوا بعض المعاطيب |
والا لطير جت لها لجلجاني |
فرق القطا تحداه عكف المخاليب |
عن ديرة البرغوث نخلي المكاني |
دار الخطا والخوف والشر والعيب |
وبالفرض ما تسمع طنيب الاذاني |
وكل الحلال معلقيه دباديب |
وتنحروا يمة سهيل اليماني |
العفو ما احلا نجد عقب التغاريب |
اهل الديانه والتقى والقراني |
وقت الصلاة يرتب الفرض ترتيب |
وبالجوف طبن من عقب يوم ثاني |
كرامة عند ابو عنبر وترحيب |
مع درب جبه زومعن زومعاني |
وقبل الاذان وداعي الصبح ما جيب |
وخلوا رواق خلاف الرجم باني |
واوما لهم في قصر جبه معازيب |
عند العبيكه خير مرحباني |
يسفر حجاجه إلى لفوه المراكيب |
وقفوا من الغوطه لمروي السناني |
ياريف نجد ويا شفات الاجانيب |
الضيغم اللي جا على الحق باني |
عساف قاسي الرجال الاصاعيب |
وان جاه محتاج من البعد عاني |
له عادة يملا يدين الطلاليب |
وقصر بناه العز ماهوب فاني |
لو فنيت الدنيا بقى به شخانيب |
قصر يلقط به صحون وصياني |
وزاد الطرق يدامه الفطر الشيب |
وعليه مثل ورود بعض القطاني |
وصدير من كثروا عليه الجذاذيب |
ومادام ما بالدنيا بقى مودماني |
ريف على اللي ينطحون المواجيب |
|
المرجع: من عيون الشعر الشعبي. |
|
|
