سلام يا معتق رقاب رجال ياسمح الجناب |
يا مجري الهياب يا سلمان يا الحر الأبي |
يا سيدي يابو فهد رجل المكارم والآداب |
يالعبقري الحاتمي الوايلي اليعربي |
يالهيلع الصارم عزيز النفس ياعجل الجواب |
يافارس الفرسان في وقت النهار المرهبي |
يالشهم يابحر الندى يابلسم جروح المصاب |
يا الليث يا غيث الدريك اليا طلبك المشربي |
أنت الثواب لمن وفي وانت الرضى وأنت السحاب |
وأنت العذاب لمن هفى لا من شهرت المخلبي |
يالنادر اللي ما يجارى ستر تلعات الرقاب |
اسمى الصفات الساميه بك يالنجيب المنجبي |
لو تنظر بصم الصخر من هيبتك يامير ذاب |
حزم وسطر دون الوطن والحق عندك يطلبي |
فاروق عصرك سيرتك سيرة بطل قدم الصعاب |
وتناصر المظلوم ماقد قلت هذا وش يبي |
اليا انطلقت بهمتك يا سيدي كنك شهاب |
ترجم شياطين الملا عوق الخصيم المذنبي |
شمس الرياض بحضرتك تجلي عن العين الضباب |
يارب تبقى شارقه عن دارنا ما تغربي |
وليّت بالوسطى قبل خمسين عامٍ بالحساب |
وتبقى نشيط بقوتك وبهمتك بعدك صبي |
فتحت بابك للعرب ماصار من دونك حجاب |
تقضي حوايج من نصاك ولا تكل وتتعبي |
كسبت قول النعم يالمقدام من توك شباب |
المجد خاواك يعدي ماجاك يمشي ويحبي |
أعطاك ربي بسطة في الجسم مع فصل الخطاب |
طويل قامه عالي الهامه عريض المنكبي |
عبدالعزيز بصورتك ما غاب لا والله ما غاب |
أنا أشهد إنك مثل أبو تركي عريق المنسبي |
والشعر قول جزل جاله يم سلمان انجذاب |
جذب الدلي اللي تخالف من غزير الموهبي |
يزهاك ياعز الوطن فرز الوغى مروى الحراب |
فيك اصدقه قلته ولا بالغت هذا مذهبي |
ويالله ياللي من دعاك ولاذبك بأمرك يجاب |
طوّل حياة أخو فهد سلمان كفو المنصبي |
تم الكلام وبالختام اعداد خط في كتاب |
ازكى السلام لمن بعث بالحق للعالم نبي |
باني بن عبدالله بن هويل البقمي |
|
