رزقي على الله وعافيتي ومحيايه |
والناس وش عندها يا بدر تعطيني |
الرزق مضمون كله عند مولايه |
رب البشر كلها متكفل فيني |
اللي على سيد الأمة نزل الآيه |
وضح لعبده طريق الزين والشيني |
ماني مبين لبعض الناس شكوايه |
أشكي على ربي اللي ما يخليني |
والرأس مرفوع دايم وأرفع الرايه |
وأعز نفسي وهذه ميزة فيني |
لو كان ما آجد ريال وسط مخبايه |
أقول تاجر وعندي ما يكفيني |
ومن صد عني عنه صديت بقفايه |
وقطعت حبل المواصل بينه وبيني |
وش ارتجي من قليل الفود من شايه |
والله لأقطع معه كل العناويني |
وارافق الطيب اللي رفقته غايه |
اللي لاحتجت له ياقف ويشفيني |
ولا الردي ما يرافقني بممشايه |
لو هو قريب من الربع القريبيني |
وأنا التوكل على الله دوم مبدايه |
واللي كتب لي بعرض اللوح يأتيني |
وأقول كلش ترى له حد ونهايه |
مثبت بالأدلة والبراهيني |
هذي صفاتي وبعض من مزايايه |
وكل بعرفه وأنا عرفي يقديني |
سهل بندر العتيبي |
|
|
