من يقول: ما هو عالمي والنجاح في كل عام يتجدد والإبداع يقول يا وطن غني حنا رجالك ما لنا غير ترابك نعشقك ونعشق كل من يحبك ما نفرق بين شمالي أو جنوبي كلنا روح وحده من شرقها لغربها ويا بعد حيي يا بلادي.. ويا أهلها!!
***
* من يقول: ماهو عالمي من يقول إنه طريق وصحراء وسيارة يمكن ما درى انه في ديار التحدي في وطن (أبو متعب) ومكرمين الضيف أحفاد حاتم أهلي وعزوتي (أهل حايل) يا بعد حيي يا حايل ويا أهلها!!
***
* من يقول: ماهو عالمي والمهندس وصاحب الفكرة أمير دايم في فكره جديد في طموحه كل مجد ومن يصدق ان حائل تفتح أبواب السباق وتهدي للوطن أول اتحاد وتكون عاصمة للراليات وكله بجهدك يا أمير ونائبك ومساعدك وما هو كثير يا حايل هي تستحق أكثر وأكبر ويا بعد حيي يا حايل ويا أميرها!!
***
* من يقول: إننا بس رالي وان الطموح ما يشوف غير مناسبة تمر بالسنة مرة وان المشاريع ومستقبل أجيال بكرى مجهول المصير وهذا والله خطير لكنه ما درى ان أمير الصدق والجهد والإخلاص يجهز الفجر الجديد وأنا قريب والله قريب واشوف ما يسعد القلب ويبهج لكنه امرني وانا اجيب ما نبي حكي في جرايد ما نبي اغاني وقصيد نبي مشاريع تكلم وافعال تحكي قصة تحدي وعزيمة ورجال وهذا ما هو خيال واول الغيث قطرة ومعرض دولي للاستثمار وانطلاق المدينة الاقتصادية وعفوا نسيت وقلت اللي ماهو حلال ويا بعد حيي يا حايل ويابعد حيي (ياسر) عند إعلامي وعند محب لحايل ولأهله أكثر من روحه لكن الخير بإقبال والمشاعر اللي بقلب (سعود) لحايل وللوطن والله خيال وياالله تعجل بالخيره حنا صبرنا ومن حقنا نفرح الفرحة الكبيرة.
وكل رالي والجميع بخير .
