يا سيدي سلطان أفديك بالروح |
من قلب مخلص لك يودك ويغليك |
بنيت بقلوب الخلايق لك صروح |
في طيب وقفاتك بحاضر وماضيك |
عساك سالم دوم من كل ساموح |
كلٍ دعالك يطلب الله يشافيك |
لك الوفاء ما هو على شان مصلوح |
وإلا أنت بحر الجود ما أحد يجاريك |
طلبت رب منجي من الغرق نوح |
نفرح بشوفك واطلب انه يعافيك |
ومعاك منهو بالمعالي له شبوح |
عضيدك اللي بالمواقف يباريك |
(أمير نجد) بهدته ياخذ الشوح |
يطري علينا كل ما جيب طاريك |
خالد بن سعد الجارد العنزي- مركز الشعبة |
|
