خذ من سهر عيني وعطني من النوم |
خلك تذوق وتطعم النوم عيني |
خلك تذوق امن العنا بس لو يوم |
ترحم مح عايش به سنيني |
طال العنا بي ما حصل منك مقسوم |
ولا صخف قلبك لقلب حزيني |
عمري قضيته بين سجات واحلوم |
وخيط الرجا عيا بوصلك يبيني |
كنك على قربك مع الناس معدوم |
قريب دار وكم بينك وبيني |
اعطف على اللي من عواطفك محروم |
لو بالعمر مره يهون الحنيني |
في نظرة من عينك القلب ملزوم |
ضاق ابعناه ولا لقى له معيني |
قلب وفاء لك بالهوى دايم الدوم |
مغليك وش فوق الغلا يا ظنيني |
ما عاف مما شاف لو قال مظلوم |
صابر على هجرك برجوى تجيني |
محمد العبيد الله |
|
